DROPDOWN MENU

Friday, April 16, 2021

314/2021 VASTRU SHASTRA INSAK DUH DAN

 HMANLAI INDIA MITEN INSAK DUH DAN

(Dear Runmawi Construction JLG te, awmze neia Inchhung hmun hma rem dan  hi lo chik leh ta ila, Sum leh pai tihek miah lovin Architect leh Engineer ngaih pawimawh ang ngaipawimawh kan lo ni ve thei ang.)

    Hmana kan pi peh pu te pian hma daih, Vedic hunlai ata Insak dan kalphung an lo nei daih tawh a. Chungte chu kan hriat ve hrim hrim hi a sual lo e. Sum leh pai, neih thinglung khawnga sa tan chuan Sum leh pai sen belh ngai lova uluk lehzual hi a ngai em a ni. Kan zawm duh lo a nih pawhin kan mawh lo e. Hnam vakvai (Gypsy/Nomads) ho pawhin in leh lo nghet an nei lo a, Kawng ka leh tukverh hawi zawng awmze nei chu an lo ching tawh si a.


Engineer leh Architect rawih hi Contractor leh mi hausa deuh chanah kan dah a, a nei zo thenkhat pawhin kan thiam ve tho tiin kan sa mawl tawp thin a. Kan hmanrua leh bawlhlo chuangliam leh a hau tak dan hian Engineer  rawihna senso chu a tum deuh thaw thang thin. (Engineer ka tih thin hi eirukna leh hausak em ngawr ngawra  Engineer Degree nei ho ka sawina a ni lo a, rawngbawlna atana Engineer Eizawnna atana thlang thin ka sawina a ni e.)

Vastu Shastra chu Hmanlai India Science thiamna hmanga insak danin nun hlimna, hriselna leh damreina a thlen, kaihhnawih dan kan letlingin, kan sawizau teh ang. Khuarel thil panga zinga Leilung chakna, Boruak, Tui, Mei leh Lei hian tangkaina mak leh danglam tak a neih avangin an ngai pawimawh hle a. kan chenna in te hian chung Hriselna, Finna, Ngaihtuah thiamna leh nun hausakna, muang taka nun theihna te leh Nupui pasal inneih thlengin  nghawng a nei a. Lenrei leh rei loh lam thleng pawhin ni fahmiang. Tun thleng hian hmanlai India mite ngaih pawimawh hi an la vawng a, Lirnghing leh Lei hipna, thli leh ruah, meipui lakah awmzia a nei tlat a ni.


A Chunga Chart mil hian Inchhung an remfel thin a. Lo chik ve chhin the. Insak I ruahman laiin Ngaihtuahna I sen lain lo hre ve mai mai la, I tangkaipui hun a thleng ngei ang le.


Vastu Shastra rindan nghet tak chu

· Hmar lam emaw khawchhak lama kawng awm hian Hriselna leh Chhungkaw member hmasawnna rualna a hril thui hle a, Kawngpui pathum emaw, Kawngpui pali in a hual chuan Hlauhna leh rilru lam hriselnaah nghawng thui tak a nei thin a ni.

· Ban khur an laih hian Khawchhak lam laih hmasak ber an duh a,  Khawchhak atanga hmar lamah laih a, khawthlangin laih chhunzawm a, khawthlang laih an duh thin. India mite chu Phaizawla an chen avangin a awlsam thin a ni.

· Kawng tawpa insak hian a chhunga chengte hriselnaa a nghawng avangin an duh lo thin. Thlir leh boruak lengvel karah a him lo a ni awm e. 

· Khawchhak hawi taka Kawngkapui dah an duh ber a, a rem lo a nih chuan Hmar lam emaw, Hmar chhak atanga luh  an duh thin.Chhim thlang atanga kawngkapui lut thin te nun hia thlamuang (peace) lovin, hlauhna leh chi-aina an nei nasa niin an sawi.

· It is good to have main door on east, northern and north eastern corner of the house. A house having main door at the southwest end provides less peace and perpetually tense atmosphere.

· In kawngkapui zau leh lian fal bik nei chhungkaw zingah Hriselna a tlahniam bik an ti. 

· Chhim thlang kilah emaw, chhim thlang lamah kawngka a awm tur a ni lo a. Chhak lam ermaw hmar lama hawn hi a tha ber a. Chhim thlang emaw chhim lama kawng hawn hian Boruak leh tha chakna, mihring tana pawimawh a nam thin tih a ni.

· In bang rawngah hian Rawng hahdam (Soothing) leh hmuh nuam thlan tur a ni a. Chu chuan chiaina leh hlauhna (tension free) lakah boruak tha a siam thei a ni. Rawng eng lar, A sen, Serthlum rawng te hian thinrimna keng telin, a chhunga chengte an innghirngho awlsam a ni.

· Tui leh a hmanraw kaihhnawih reng reng chu  Hmar, Hmar Chhak lamah dah ngei ngei tur a ni. Hei hian hausakna leh Hlawhtlinna a thlen thei a ni. Tui luan dan leh chetvel awlsam avangin a awlsam a, a daihzai a ni awm e. 

· Tuizem leh Tanky etc chu Chhimchhakah dah loh tur a ni a. Chung ai chuan In lai taka dah dan ngaihtuah zawk tur a ni.

· Insak zawhin Balhhla, Tulsi, Ashoka Thing te hi pawnlamah phun tum tur a ni a, a chhunga chengte nunah hriselna, hlimna leh muanna a thlen thei a ni. Mizo pawhin hetiang chi chu kan neih ve kha. 


Saturday, October 17, 2020

313/2020 DAMA A DAM TAWH LO

 DAMA A DAMLO : A DAMPUI TAWH AVANGIN A DAMLO TAWH LO ANG

Thih hlauhawma kan awm lai pawhin Pathian chiah hi a dampui  a ni tiin Laldampuia hming an sa lawk a nih kha. September ni 29, zing dar 4.30 khan Covid-19 a vei thu leh Damdawiina a luh tur thu min hrilh te kha kan inbiak tawpna tur a nih ka ring lo reng reng. Hlauh a neih awm ka la hre lo a, (ka hre leh si, a Pheikhawk bun uih tawh phelh hi a hlau tak e) Tun tum hi chu a zam a ni tih pawh ka ringhlel lo. Covid19 chu vei tawh lo mah se Pneumonia avanga a kal ta mai hi ava pawi em. Mite hriat a duh loh thleng thleng hian a chanchin min hrilh thin, thihpui tur thuruk hi kan va ngah tak. Ani chuan a vawnga, a hlenchhuak ta.

Thursday, October 17, 2019

312/2019 Social Group Work/ Joint Liability Group

JOINT LIABILITY GROUP

Zobawk North chhunga Mistiri 4, Junior Mistiri 6 leh Helper 10 an awm a. SHG angin ni 9 September khan Social Worker kaihhruainain an indin a. Uluk takin member te hre reng chungin thlirna eng tak nei chin chu sawm an ni a. A nazawng, hma sawn tum lo chu kal kan an ni.

Monday, September 16, 2019

311/2019 Jack Ma, China sumdawng hausa, Alibaba group CEO chu

JACK MA: ALIBABA/ALI EXPRESS NEITU

Ma Yun hi 10 September 1964 khan
Jack Ma hlim hmel chu
Hangzhou, Chinaah a lo piang a. Alibaba Group dinchhuaktu zinga mi leh CEO a ni. China sumdawng hausa khawvel hriat hlawh leh hmahruautu pawimawh tak a ni a. Nimum 2018 September khan sumdawnna lam chawlhsanin, zirtir lamah a inhmang ta thung a. Tun June 2019 hian US Dollar 35.6 Billion Dollar nei a ni a, fa pathum neiin hun a hmang mek.

Kum 2017 khan Fortune chuan "World Greatest Leaders list" a tihchhuah zingah pahnihnaah a thlang a. Khawvel mi hlawhtling leh hruaitu langsar zingah a lang fo a. Company hrang hrang leh World Economic forum ten zirtirna leh thusawiah an sawm fo a ni.

Saturday, August 24, 2019

310/2019 HIV AIDS Skit (One Act Play)

I dinhmun hre chiang rawh
(Know Your Status)

(Pu Thangmawia te inah)

Laltea : Enteh, kan kohhrana hming ziah luh ai chuan ART-a hming ziah luh pawh ka duh zawk te min han tihkhum a, Hmangaihna awmzia an hriat hunah chuan Kohhran tih mai mai, AIDS tih mai mai hi chu “No Problem” a ni mai. Kan nghet ve tawk a ni. Kan zau ve tawwwk a ni.

Wednesday, June 12, 2019

308/2019 Lehkhabu hlu Book review

KRISTA HNENA MITE HRUAI THLEN DAN
(How to bring men to Christ)

TKP thutiam zingah “Krista hnena mi dangte hruai ka tum tlat ang” tih lam sawi tum ka ni lo a. Lal Isua thupek ropui “Khawvel zawng zawngah kal ula Chanchin \ha hi hril rawh u” tih lam pawh ka sawi lo ang. Chutiang chu ni tinin kan eizawnna, kan chhungkua leh kan thil tih hrang hrangah kan sawi \hin a.  Kan sawi tama kan vei ang hian a sawt thei lo erawh thil pawi tak a ni. Kohhran hote lahin Thuchah, Sunday School, inkhawm leh thilpek kan pek chhan pawimawh tak a ni. 

Friday, June 07, 2019

307/2019 Pulpit tawngkam

PULPIT TAWNGKAM

Thlarau Thianghlim lo thlen (Tirh 2.1-4) kha chuan Thlarauvin a \awng tir ang zelin an \awng an inhre vek a. Eng pawh sawiin, engtin pawh sawi sela an inhre vek; \awng hriat loh pawh an hre vek a nih kha. Mihring \awng hmanga Pathian biak,  pawl, Pathian fak leh inkhawm te kalpui a nih zel avangin \awng chu a la pawimawh reng a. |awng hi zahawma min siamtu pawimawh tak a ni. Thuhril hi ziak ai chuan \awngka ngei hian kori a tu zawk. Chuvangin, Pathian biak inkhawm a nih chuan thusawi hi a tel zel dawn a. Hmun pawimawh ber a la luah reng dawn a ni.

306/2019 Regularly Regular

THAWH BIK NEIH HI ZAHAWMNA A NI

Thawh bik nei tur chuan Pathianin Talent min pek emaw, mihring ten kan zir chawp talent neih a ngai a. Chu erawh chu kan duhthlanna tur a ni. |halai zingah eng nge i thawh \hin? tia zawh hi ka eizawnnaa tel ve tlat a ni. Naupai lo kal \hinte hi “Eng nge i tih \hin?” tiin kan zawt (Clinical assessment) hmasa \hin a. “Eng mah” tia chhang hi an tam zawk \hin. Hmai zang thal ha chunga sawi an vang khawp \hin. A uan thlak loh em bawk a ni. A nih leh, “I awm mai mai \hin em ni? I mu huat huat \hin em ni?” tiin ka zawt nawn ziah \hin a. Ni tla vanvuaia thawka phe buai an ni \hin. A \ul ang ang thawkin, mawngvawm ba ang maiin an hah lawi a. An hna thawh \hin kha nep an tih vang a ni ang.

305/2019 Pathian biak inkhawm

URHSUN LEH ZANGKHAI ZAWKA INKHAWM

(Duhthusam pahin, fuihna dangdai i han ngaithla leh teh ang u. Kan awm dan a ni lo a, kan lo ching ve palh ang e, tih hlauh vang mai mai zawk a ni.)

“ Inkhawm kan kal tlai, i \ang mar sauh sauh ang u” tiin an fuih ngai che em? Tlai tehna hi chi hnih a awm thei a, Kohhran Committee beisei dan leh duh dan hriat erawh a ngai thung. Dar rik hma a biak in chhunga \hut hman loh hi tlai ti an awm a. Inkhawm hruaitu din hnua inkhawm tura luh hi tlai ti an awm a. Dar rika minute sawm panga, sawm thum innghahkhawm tura ngai an awm a. Dar rik ruala \ana Pathian fak nana hla sak ho tur ti an awm bawk. Tlai leh tlai loh tehna chu dar rik leh hruaitu din a nih ber awm chu. Vantlang ngaihdan a awm bawk a, chu erawh a hlim lai leh chauh laiin a dang \hin bawk. 

304/2019 Mobile Phone

MOBILE PHONE : A LEHLAM ATANGA THLIRIN
(Back side of Mobile Phone)

Mizoramaa Mobile phone a lo chhuah a\anga Mizo mipui nawlpui a thlen thlengin, kan khawtlang leh mimal nun a nghawng dan thlir hian hmasawnna leh awlsamna tam tak a thlen mawlh mawlh a. Chu chuan engkim hi a tidanglam ta vek a, a awlsam leh lutuk a, a tak hlutna titla hniam hle.

Intihhlimna leh infiamna, inkawmhlimna, rorelna leh sawihona, pawisa thawnna leh sumdawnna, engkim hi a awlsam vek a ni mai. |awng\aina ang mai hian kailawn a ni mai e. Atchilh an awm a, hun zawng zawng hmang an awm a, chhiatpui pawh \halai zingah an tam narawh e. Uirena leh hur hmang tan hlei hlei zuk \ha a. Chung zawng zawng chu sawi vek tawh lo ang.

Wednesday, June 05, 2019

303/2019 Rev H Hrangena Rinna

REV. H. HRANGENA’N LALPA HMING A LAM

Vai sipai nunrawng tak leh hnam sipai inchelek tak te kara Mizo nunau thlabar tur te, ril\am retheih avanga mahni hial inzuar ta, thisen luanga thihna leh ral\i reng renga hun an hmanlai khan a mangang a. Israel fate hnam dang lakah tlusawp \hin mah se Pathian chuan a chhanchhuak leh \hin tih a hria a.  Engkim tawpna chu thihna a ni lo tih hre chungin min thlamuan a ni. Indona nghawng chhuah a ni a, hringnun indona mai ni lovin, thuchah pawimawh tak Pathian leh Setana indona hneh dan min hrilh a ni.

Wednesday, May 29, 2019

302/2019 HREMHMUN AIKAIH

HREMHMUN AIKAIH
Hebrai 6.4-6

Aikaih te, aizial te hi thuhmunah lo ngai ta ila. Aikaih tih chu chhan eng emaw hriat tur awm si lova thununtu awm tlat sawina a ni. Sapuiin mi a aikaih chuan mut a chhuak a, zawi, che thei mang lo, harh chiang lovin an awm a, thil hre ri riai chungin hlauhawm kha an tlanchhiatsan thei ngai lo a ni. Mupuiin sa te a aikaih chuan sa te zawn chungah a thlawk kual reng a, a tawpah a ei turin a man thei ta \hin a ni. Hriatna bo hloh ni lovin, hriatna kha a mu thlu \hin a. Mizo \awng veka hrilhfiah dawn chuan chawmawlh, ngawltawt ti pawhin a sawi theih ang chu.

Thursday, May 16, 2019

301/2019 I Piangthar tur a ni

I PIANGTHAR TUR A NI KA TIH CHE HI MAK TI SUH
(I piang thar tur ka tih che hi mak ti suh- Johana 3.7)
(Kristian Hla Bu -375)

Introduction : Mi tam tak tan chuan sawi a ngai lo ngei ang a, Lal Isua kha mi felte lam tura lo kal a ni lo a, mi sualte lam tura lo kal a ni reng a ni. Chutiang chiah chuan Mi felte tana sawi ka ni lo a, mi pahnih khatin kan hlawkpui chuan ka lawm viau ang.

The Moment of Truth -Reality show te hi inen ve ngai em? Lie detector-Polyagraphy hman theih a ni si lo a, lo hmang thei pawh ni ila, mihring thinlunga chhanna kha dik a ni mai a. Thlarau lam a tel thei si lo a. Chuvangin mamawh miah lo kan awm a nih pawhin mihring tak chuan ka inthiam chawp mai ang a, Thlarau \hahnemngaihnaah min lo ngaihsak dawn nia u.Thinlung buktu hmaah chuan engkim hi a lang vek dawn si a.

Monday, May 13, 2019

300/2019 Palm Sunday

Lalpa hminga lo kal (Marka 11.9)

Kristiante chu Pathian hming avangin kan thla a muang a, kan phur phahin, kan lawm phah \hin. |ap chunga kan duh loh zawng kan tih pawhin kan hlim thei a, Peih miah lo chung pawhin Pathian hming kan peih mai \hin. Lalpa hmingin kan huat ber pawh kan ngaidam thei. Isua krista kha khawvela a len laiin kan chawimawi tawk lo hle a. A thih hnu pawh hian kan chawimawi hlei thei lo a ni. Chawimawina hi hmai chhan leh thil tih a nih chuan fakna chu thinlung lam a ni ngei ang.

Saturday, May 11, 2019

299/2019 ZET U ZU RIM NAM A PAWI

ZU IN CHU SAWI LOH, A RIM NAM PAWH A PAWI

Bible hian zu a fak tak chiam kan hre lo a, a rawn ber khaikhawmna chu zu leh a kaihhnawih nuamtawlna laka filhlim turin min chah a ni. Zu in hi sual a ni tih ai chuan a rim nam chauh pawh hi sual a nih thu sawi tum teh ang. Zu zawrh phalna hrin chhuah Zu lei theihna Card pawh nei eng ang mah ila, a in chu sawi lova lumah, a rim nam hlek pawh hi a pawi thei hle a ni. Ngaihdan zau tak neite pawh hian an kawtkai a thlen chuan an ngaihdan a lo zau bik lo tawp a ni.

Wednesday, March 20, 2019

288/2019 SOCIAL WORK DAY 2019


HAPPY WORLD SOCIAL WORK DAY 2019
‘Promoting the Importance of Human Relationships’.

Vawiin tlai dar 2:22 PM, 3/19/2019 hian Head, Dept. of Social Work (Sir R.S-a), HATIM chuan WORLD SOCIAL WORK DAY chu HATIM Campus, Chanmari-ah hman a ni dawn a, chuta tel ve tur chuan min lo sawm ve a. Ka va han lawm tehlul em! Kei, Social Worker-a inchhal ve hian Social Work kaihhnawih reng reng ngaihtuah tawh lem lo va, lungawi leh nuam titaka ka thawh mawp mawp lai hian ‘Back to Eden’ tiin min chah mawlh mawlh hian ka hre thar leh a ni.


Wednesday, March 13, 2019

287/2019 Titi (Human Interaction)


TITI ANG U AW.

Kan Kohhran hruaitu pakhat chuan, “Uluk takin an thu sawi hi ka ngaithla thin a, thil tangkai lo hi an va sawi tam thin tak!” tiin hmeichhe ho titi chungchang a sawi a. Thil tangkai leh zirtirna lam hawi chauh sawi dawn chuan thui a sawi theih loh a ni. Tangkai tih pawh a inang lo zel awm e. Pa pakhat pawh a naute nen hlo an thlo a, a u ber a nih avangin a tawng tlem lutuk a, an inbe ngai mang lo. Tangkai lo chu an sawi ngai lo a. Chaw fak a hun dawn te hian thlawhlaia thing luang a khawng ri kerh kerha chaw fak turin an inzui dial dial thin a. Vawi khat chu a ek chhuak, vau lama a daikal tur chuan chema bawlhhlawh tihfai nan thingluang a khawng ri a. Chaw fak la hun lo mah se a khawnrik miau avangin Vau lamah chuan an inzui ta dual a ni awm e. A upa ber chu a nui suk duh chauh nia.

Tuesday, February 05, 2019

286/2019 Leadership Eng nge? (Hruaitu nihna)

Leadership hi eng nge ni ?

Tawi tea hrilhfiah dawn chuan "Chhan eng emaw avanga mite nuna nghawng (Influence) tha kan neih dan" hi a ni ti ila a dik awm e. Ka hmel that em vang emaw, Thu ka sawi thiam vangin emaw, ka thlarau mi vang emaw; Member ngaihsak vang te, thawhlawm pek that vang te, zai thiam vang te leh chhan eng emaw avanga mite nuna thu ka sawi phawt chuan Hruaitu tha tak ka ni tihna a ni. Chutih lai chuan ka zaithiamna avanga Hruaitu tha ka nih a, mite nunah nghawng a neih chuan Hruaitu tha ka la ni mai lo a, kawng hrang hrangah entawn tur nihna ka neih tel chauhin Hruaitu tha ka ni tihna a ni. Mite nuna nghawng tha tak a neih khan ken tel tam tak a nei ti ila a dik awm e.

Wednesday, January 23, 2019

285/2019 Lawmna luipui Book Review

LAWMNA LUIPUI (Bihchianna)

Lehkhabu chungchang :
Lehkhabu hming : Lawmna luipui (Souvenir)
Edited by : Rema Chhakchhuak
Chhuah kum : 2019
Chhuahtu : BCM Publication Board
Chhut zat : Inziak lo
A man : Rs 100/-

Thuhma : Kumin chu BCM tan kum \ha tak a ni dawn a nih hi, “Kum tirah lehkhabu chhuan tlak tak chhiar tur min chhawp nghal tlat mai” tiin ka ngaihtuah a. Kumin January ni 9 khan BCM thawktute inhlantharna hunah, “Lawmna luipui” (Souvenir) chu Rev F Ramdinmawia (Gen.Secy. BCM) chuan a tlangzarh a. Editor, Rema Chhakchhuak chuan a buatsaih dan leh tihsual (palh) chungchang a sawi a. Mizo \awng tihlutu ‘|’ ziah tura ‘m’ hman a nih dan pawh a sawi fiah a. ‘|’ hman huna ‘m’ awm pawlh nuk mai chu kal kan ta ila. {A \hen erawh chu ‘t’ a tam thung hle, Mizo \awng ziahna hmanrua (fonts, apps) \ha kan mamawhna pawh a tar lang kan ti thei awm e.} Hawrawp lenzawng hi a te lutuk tihpalh an hlauh thu pawh a sawi a. He lehkhabu ka chhiar lai hian penin ka thai nghauh nghauh a. A behbawm chungchang ka han ziak ve teh ang. A sei deuh dawn avangin chanchinbu lama chhuah ai chuan ‘blogged’ ila, a buaipuitute leh BCM Publication Board erawh inenletna atan hrilh hriat ve chu tum thung teh ang.

Sunday, January 13, 2019

284/2019 My first thought

MIZO IPTECHEI

Naupang mai ka la nih laia Iptechei ak thin kha chu tarsen pawisak vak nei lovah ka ngai thin a. Incheina aia thul mawnga dahah a tangkai zawk ka ring thin a ni. Kan venga mi nawlpui ngaihdan pawh a ni. Tunah chuan a ni ta hauh lo mai.

Phaia lehkhazir lo haw khan Mizo iptechei an lo ngaina viau zel a, an lo haw \um te khan an ak ngei ngei \hin a. Kum 2004 khan Shillong-ah ka rilru puthmang chu min thlaksak daih mai. Laitumkhrah kan kal haw chu, kan hmaa Iptechei ak nula leh tlangval chu kan han be ngawt a. Naga hnam an lo ni a, "Hnamdangte pawhin mawi tia an lo ngainat chu eng vangin nge a siamtu hnam zawk hian ka ngaihhlut loh ang' tiin ka ngaihtuahna ka thlak ta a ni. Anni chuan bazar an kalnaah te, Class an kalten an ak \hin a lo ni a. Ka ni tin pisa kaina hmunah hian sap hoten an lo ak chhuak ka hmu fo \hin. An nelawm hliah hliah hian ka hmuh phah bawk. Mipa lam hi chuan kan uar ta khawp a, hmeichhe lam hian an la nel lo deuh , chubakah, a ngai reng thawhchhuahpui hi an ning deuh a ni awm e. Pawisa leh Bag dang ngah vanga ning pawh an ni mai thei e. Pastor Bial Zaipawl hruaitu ka nih laiin hmeichhia leh mipa nen zai rawngbawl tura kan fehchhuahin kan thawhchhuahpui alawm. Kawng engkimah inring tawkin, danglam tak kan ni.